Bugtong

Ano ang Bugtong?

  Ang bugtong, pahulaan, o patuuran ay isang pangungusap o tanong na may doble o nakatagong kahulugan na nilulutas bilang isang palaisipan (tinatawag ding palaisipan ang bugtong). May dalawang uri ang bugtong: mga talinghaga (o enigma, bagaman tinatawag ding enigma ang bugtong), mga suliraning ipinapahayag sa isang metapora o ma-alegoryang wika na nangangailangan ng katalinuhan at maingat na pagninilay-nilay para sa kalutasan, at mga palaisipan (o konumdrum), mga tanong na umaaasa sa dulot ng patudyong gamit sa tanong o sa sagot.

  Sa panitikang Pilipino, nilalarawan nito ang pag-uugali, kaisipan, pang-araw-araw na buhay at katutubong paligid ng mga Pilipino. Bilang isang maikling tula, madalas itong naging paisipan sa tuwing naglalaro ang mga bata.


Mga Halimbawa ng Bugtong:

1. Bugtong : Kaisa-isang plato, kita sa buong Mundo.
   Sagot: Buwan
   
   
2. Bugtong :Nagtago si Pedro, labas ang ulo.
   Sagot : Pako
   
   
3. Bugtong :Ate mo, ate ko, ate ng lahat ng tao
   Sagot : Atis
   
   
4. Bugtong :Hindi prinsesa, hindi reyna. Bakit may korona
   Sagot : Bayabas
   
   
5. Bugtong :Nanganak ang birhen, itinapon ang lampin.
   Sagot : Saging
   
   
6. Bugtong :Isang prinsesa, nakaupo sa tasa.
   Sagot : Kasoy
   
   
7. Bugtong :May langit, may lupa, May tubig, walang isda.
   Sagot : Niyog
   
   
8. Bugtong: Ang alaga kong hugis bilog, barya-barya ang laman-loob.
   Sagot : Alkansiya
   
   
9. Bugtong: Ako ay may kaibigan, kasama ko kahit saan.
   Sagot : Anino
   
   
10. Bugtong: Palda ni Santa Maria. Ang kulay ay iba-iba.
    Sagot: Bahaghari
    
    
11. Bugtong: Sa araw ay bungbong, sa gabi ay dahon.
    Sagot: Banig
    
    
12. Bugtong: Sa liwanag ay hindi mo makita. Sa dilim ay maliwanag sila.
    Sagot: Bituin
    
    

Share your thoughts, reactions, and opinions in the comments section below!

Share on Facebook Share on Twitter Share on Google+